Minecraft í námi og kennslu – Stærðfræði verkefni

Þessi síða mun vera notuð í áfanganum menntamiðja og samfélagsmiðlar í námi og starfsþróun sem er valnámskeið í M.Ed gráðunni minni við HÍ.

Ég er hérna að búa til samfélag þar sem kennarar geta nýtt sér hugmyndir um hvernig er hægt að nota Minecraft í stærðfræðikennslu. Vefurinn verður partur af lokaverkefni áfangans.

Á vefnum munu kennarar geta skoðað fjölbreytt verkefni sem og deilt verkefnum til annara kennara.

Stærðfræðikennsla er að breytast mikið og er samfélagið gott fyrir kennara að sjá hvað aðrir eru að gera í sinni kennslu og starfsþróun.

Ef þú hefur ekki séð viðtalið inn á, hinni stórskemmtilegu síðu um skólamál, snjallskoli.is þá getur þú skoðað viðtalið í heild sinni hérna.

http://snjallskoli.is/2016/09/mincraftikennslu/

Það er alltaf gaman að sjá að tekið er eftir því sem maður gerir og leggur sig fram við. Skólavarðan fékk mig til að skrifa nokkur orð um verkefnabókina. Takk fyrir að veita þessu skemmtilega verkefni athygli.

Umfjöllunina má sjá hérna: Heimasíða Skólavörðunnar

Ég hef verið að þróa kennsluna mína sem stærðfræðikennari á elsta stigi grunnskóla og verkefnasafnið sem hér birtist, verkefnabókin, eins og ég kýs að kalla safnið, er kærkomin viðbót við annað efni sem ég hef verið að nota. Á næstu mánuðum og misserum munu fleiri verkefni birtast hér á vefnum. Nú þegar eru drög að bókinni tilbúin og nokkrir kennarar víðs vegar um landið farnir að prófa sig áfram með þau.

Vefurinn er ennþá í þróun og var settur upp fyrir áfangann Hönnun námsefnis og stafræn miðlun á Menntavísindasviði Háskóla Íslands.

Verkefnið hefur fengið ágætis umfjöllun á vef Skólavörðunnar, tímarits kennara og höfundur bókarinnar hefur fjallað um verkefnið á Menntabúðum Vesturlands en fjölmargir kennarar sækja þær. Almennur áhugi virðist vera fyrir bókinni og kennsluaðferðinni